Bureau MFA
The mission, vision and organization of MFA Bureau.
E acomodacion multifuncional ta reemplasa e Hulpbestuurskantoor existente. Cada edificio ta diseña pa un arkitecto di bario. E edificionan tin un structura y aspecto moderno teniendo na cuenta tur e servicionan cu mester ofrece na comunidad. Ciudadadonan por acudi na MFA pa diferente servicio publico y/of priva.
Ademas di e aspecto funcional, tin un vision specifico tras e introduccion di e facilidadnan multifuncional. E edificio mester ofrece algo adicional na e comunidad manera cafetaria, biblioteca y diferente espacionan paden y pafo cu ta sirbi pa recreacion social, cultural, teatral y musical.
Di e forma aki ta crea e posibilidadnan pa hendenan topa otro y asina trece e bario mas hunto y crea e cultura di wak pa otro su bienestar pa medio di actuacion boluntario. Un sociedad caminda actonan boluntario ta forma parti normal di e bida diario, ta un sociedad mas fuerte y exitoso.
Adicionalmente, e edificio cu aspectonan cu ta haci’e ‘Green’ tambe tin e responsabilidad di ta sostenibel pa no afecta e medio ambiente.
Mision
Ofrece diferente servicio sea publico of priva mas efectivo y mas serca di cas y tambe promove y facilita e participacion y interaccion social y cultural di e ciudadanonan den comunidad sea cu actividadnan educativo, recreativo y social/cultural pa tur edad.
Vision
Brinda ciudadanonan e espacio y hermentnan necesario pa ta mas activo y efectivo.
Meta
- Pa ofrece un mihor servicio serca di cas
- Pa facilita habitantenan, instancianan y organisacionnan cu diferente servicio bou un solo dak
- Organisa projectonan social, cultural y teatral
- Un lugar pa bini hunto unda comunidad ta encontra otro
- Un lugar pa tene reunionnan y encuentronan
- Accesible pa un y tur; cualkier edad cu cualkier limitacion
Organisacion di Bureau MFA
Bureau MFA ta forma parti di Ministerio di Asuntonan General Aruba y ta forma e capa bou cual tur e MFA nan ta cai. Director di Bureau MFA ta supervisa e cinco edificionan multifuncional na Noord, Paradera, Savaneta, Sta.Cruz y San Nicolas. Cada MFA tin un Manager y un MFA Medewerker cu ta supervisa e operacion diario di e edificio.
News
- Prome siman di Nochi di Pelicula exitoso
- Drukte: ultimo dia di pago di impuesto di vehiculo di motor
- Bo ta interesa pa establece un cafetaria na MFA Savaneta?
- Bureau MFA cu anochi informativo “Prevencion di Crimen den Bario”
- Bureau MFA cu anochi informativo “Prevencion di Crimen den Bario”
- Bureau MFA cu anochi informativo “Prevencion di Crimen den Bario”
- Bo ta interesa pa establece un cafetaria na MFA Savaneta?
- Uitbetaling di Bijstand na MFA Savaneta, diasabra 9 juni 2018
- Bo ta interesa pa establece un cafetaria na MFA Paradera?
- Uitbetaling di Bijstand na MFA Paradera, diasabra 9 juni 2018
- Opening Exposicion di Sra. Agnes Leslie yama “Serenity”
- Uitbetaling di Bijstand na MFA Savaneta, Diasabra 10 maart 2018
- Uitbetaling di Bijstand na MFA Paradera, Diasabra 10 maart 2018
- Uitbetaling di Bijstand na MFA Noord, diasabra 10 maart 2018
- AZV: Diabierna 23 di Februari 2018, lo sera pa publico 1.00 pm