Bureau MFA cu anochi informativo conhuntamente cu Cuerpo Policial Aruba
Bureau MFA conhuntamente cu Cuerpo Policial Aruba ta organisa un anochi informativo encuanto “Prevencion di Crimen den Bario”. E anochi informativo aki lo tuma luga na tur tres MFA riba e siguiente fechanan: MFA Noord dia 6 di juni, MFA Paradera dia 13 di juni y MFA Savaneta 20 juni.
Meta di e anochi informativo aki ta pa conscientisa e pueblo di Aruba riba un topico cu ta hopi actual y tambe duna tips riba prevencion y con pa proteha bo cas. E anochi informativo lo wordo pa facilita pa Sr. Lito Lacle y Sra. Liliana Rasmijn, Voceronan di Cuerpo Policial Aruba. Orario lo ta di 7.00 pm pa 8.00 pm. Entrada ta completamente gratis.
Bureau MFA kier a extende un invitacion cordial na pueblo di Aruba pa forma parti di e anochi informativo aki. Pa mas informacion por yama MFA Noord na 281-0001, MFA Paradera na 281-0005 of MFA Savaneta na 281-0010.
Mision di Bureau MFA ta pa ofrece diferente servicio sea publico of priva mas efectivo y mas serca di cas y tambe promove y facilita e participacion y interaccion social y cultural di e ciudadanonan den comunidad sea cu actividadnan educativo, recreativo y social/cultural pa tur edad.
